Årsmøtesak: vedtektsendring. Kunngjering av utsett søknadsfrist for støtte til lokalhistorisk arbeid

Hardanger historielag held årsmøte på Hardanger folkemuseum på Utne søndag 23.mars kl 16.30. I tillegg til vanlege årsmøtesaker fremjar styret dette framlegget til endring i vedtektene.

Noverande tekst:

1 Føremål

Hardanger Historielag har til føremål å fremja gransking av historia til hardangerbygdene. Vidare skal laget arbeida for å spreia kunnskap om og å skapa interesse for denne historia. I samsvar med føremålet skal Hardanger Historielag kvart år gje ut eit årsskrift. I tillegg bør laget prenta eller gje stønad til å få prenta opp att gamle skrift, bøker o.l. Laget kan òg gje økonomisk stønad til anna historiearbeid. Hardanger Historielag skipar til foredrag og kåseri om historiske emne. Styret i Hardanger Historielag kan melda laget inn i sogelagssamskipnader eller tilsvarande. Medlemskap og mogelege samarbeidsavtalar med andre lag eller institusjonar må godkjennast av årsmøtet. Nynorsk er språket til Hardanger Historielag.

Framlegg til ny tekst:

Hardanger Historielag har til føremål å fremja gransking av historia til hardangerbygdene. Vidare skal laget arbeida for å spreia kunnskap om og å skapa interesse for denne historia. I samsvar med føremålet skal Hardanger Historielag kvart år gje ut eit årsskrift. Laget kan òg gje økonomisk stønad til anna historiearbeid. Hardanger Historielag skipar til foredrag og kåseri om historiske emne. Styret i Hardanger Historielag kan melda laget inn i sogelagssamskipnader eller tilsvarande. Medlemskap og mogelege samarbeidsavtalar med andre lag eller institusjonar må godkjennast av årsmøtet. Nynorsk er språket til Hardanger Historielag.

Vi gjer ikkje framlegg om endringar i dei andre punkta i vedtektene.

Om årsmøtet vedtek endring av vedtektene, vil også retninglinene for tildeling av stønad verta oppdaterte slik:

Tildeling av stønad

• Årsmøtet i Hardanger Historielag set kvart år av midlar på budsjettet til stønad og gåver.
• Tilskotet skal lysast ut gjennom laget sine kanalar og evt. andre aktuelle stader.
• Styret fordeler dei avsette midlane på kvalifiserte søknader.
• Søknaden må innehalda framdrifts-og finansieringsplan.

Stønad skal gjevast til arbeid som fremjar gransking av historia til Hardangerbygdene og som har som mål å spreia kunnskap om,  og å skapa interesse for denne historia.

Dette kan til dømes vera innsamling av munnleg og immaterielt materiale, digitalisering/publisering  av lokalhistorisk arbeid eller anna arbeid som fremjar Hardanger si historie. Det kan og gjevast stønad til utvikling av relevante kurs og seminar.

Ein bør så lang råd er foreta ei geografisk fordeling av stønaden. Styret fører ei oversikt over tidlegare tildelte stønader.

Søknadsfristen er 1. oktober kvart år

Merk at søknadsfristen vert endra.