Bli med Hardanger Historielag til Viketunet i Jondal
Tid: Tysdag 23. september kl 12:00–14.30. NB! Påmelding innan 18.09. grunna mat.
Det finst mange interessante historier om folk som har utvandra til Amerika. Viketunet i sentrum av Jondal har i sommar hatt ei spesiell utstilling i samband med Utvandrarjubileet. Eit imponerande arbeid er gjort i samarbeid mellom Aktivitetslaget i tunet, elevar ved Jondal skule og andre lokale informantar. Utstillinga viser også mange spesielle åkle. Mange av dykk har sikkert alt lese om dette i Hardanger Folkeblad eller Hordaland Folkeblad.
Olaug Værland
Sommarsesongen er over, men Olaug Værland og Aktivitetslaget har invitert oss til eit eige opplegg og ei trivelege stund i Jondal. Olaug vil fortelja om utstillinga og nokre utvandrarhistorier frå Jondal, vi får servert god lunsj (lapskaus, kaffi/kaffimat) og vi får tid til prat og til å sjå oss om i Viketunet.
Pris for inngang og mat: kr 230,-. Betalast med Vipps til Viketunet aktivitetslag 834953.
Bindande påmelding innan 19. september til Jon Larsgard: SMS/telefon 928 43 671 eller [email protected]. Ope for alle interesserte, medlemer av historelaget og andre.
Helsing styret i Hardanger Historielag
v/ Brita Jordal
Foto: Maren Espedal Mille
Årboka HARDANGER 2025
Årboka var tidleg ferdig i år og er sendt ut til alle medlemer. Knut Markhus held fram som redaktør, men grafisk utforming er ved L J Aga Reklame i Granvin og trykkeriet er Printfarm AS i Øvre Årdal. Vi i styret håpar du er nøgd med produktet, men tek gjerne imot...
Etter årsmøtet 2025: Møt Åse Teigland og Arne Fykse frå Hardanger folkemusikksamling
Folkemusikk, song og dans er viktige sider ved kulturen i Hardanger og for at denne kulturen skal bli hugsa, driv Hardanger Folkemusikksamling innsamling eller dokumentasjon. Åse Teigland er styreleiar for samlinga. No er dei i gang med eit nytt 3-årig prosjekt med...
Årsmøtesak: vedtektsendring. Kunngjering av utsett søknadsfrist for støtte til lokalhistorisk arbeid
Hardanger historielag held årsmøte på Hardanger folkemuseum på Utne søndag 23.mars kl 16.30. I tillegg til vanlege årsmøtesaker fremjar styret dette framlegget til endring i vedtektene. Noverande tekst: 1 Føremål Hardanger Historielag har til føremål å fremja...