Dei flotte kyrkjebåtane i Hardanger er tema før årsmøtet 3. april
I samband med årsmøtet 2022, inviterer Hardanger Historielag til foredrag om kyrkjebåtar i Hardanger.
Båtbyggjar Peter Helland Hansen ved Hardanger fartøyvernsenter omtalar foredraget sitt slik: “Bruken av kyrkjebåtar har rike tradisjonar i Hardanger. Både skriftlege og munnlege kjelder, biletkunsten, gamle fotografi og dei attlevande båtane og nausta peikar tilbake på ein stor kulturarv. Underteikna har i dei siste åra arbeid med å kartleggja desse tradisjonane og seinast i haust gjort feltarbeid for riksantikvaren. Noko av arbeidet og funna vil bli presentert i foredraget.” På fotoet ser vi Peter Helland Hansen i samtale med Joar Kvittingen som er deleigar i denne seksæringen. Foto: Lars Arvid Oma.
Arrangementet startar klokka 14.30 med foredraget som er ope for alle interesserte. Deretter avviklar vi årsmøtet klokka 15.30.
Medlemer og andre er velkomne til foredraget før årsmøtet. Fri inngang.
Kulturkvelden med Jørn Øyrehagen Sunde trekte fullt hus
Det vart fullt hus og kraftig applaus i Espe Grannahus fredag 25. september. Nær hundre fekk oppleva Jørn Øyrehagen Sunde i eit svært fengslande og ofte humoristisk foredrag om den vonde Kari Knutsdatter og hennar samtid. Sunde fortalde om ein tidsperiode der folk var...
Velkomen til kulturkveld i Espe Grannahus
Fredag den 25. september kjem professor i rettshistorie Jørn Øyrehagen Sunde til Espe. I 2025 gav han ut boka “Forsvarstale for eit vondt menneske - ei kvinnehistorie frå 1700-talet”. Denne historia utspelar seg i Sørfjorden. Øyrehagen Sunde er kjend som ein drivande...
Velkomen til historiekveld på Hotel Ullensvang, Lofthus, den 27. april
Hardanger Historielag og Hotel Ullensvang inviterer til historiekveld med Ingvil Bjørnæs: Frøken Storm og frøken Vildensky – to personlegdomar på Lofthus For mange år sidan var frøken Storm og frøken Vildensky to “kjendisar” på Lofthus. Frøken Storm var ein anerkjend...